Арганізатары фестывалю абвясцілі пра пачатак прыёму заявак на візы для наведнікаў імпрэзы. Заяўкі прымаюцца да пятніцы, 24 чэрвеня.
Трэба спяшацца – сёлета раздаюць 200 візаў. Бясплатныя візы атрымаюць маладзейшыя за 25 гадоў, для старэйшых – віза за 50% ад кошту, то бок € 30.
Заяўкі з неабходнай інфармацыяй дасылайце на адрас vizy@basowiszcza.org.
Сёлета «Басовішча» пройдзе ў традыцыйным месцы каля Гарадка пад Беластокам у 27 раз 22-23 ліпеня. Галоўная сцэна прыме «Крамбамбулю», Brutto, Dzieciuki, Erik & The Wordly Savages, Hanba, Navi ды іншых. Уваход на канцэрты вольны.
ДР, belsat.eu
