Каб ім скарыстацца, трэба падаць імя, адрас, спіс рэчаў, якія хочаце абмяняць і тое, што хочаце атрымаць наўзамен. Стваральнікі дбаюць аб канфідэнцыйнасці звестак: інфармацыю пабачаць толькі суседзі пры ўмове згоды на абмен.
Трое менскіх студэнтаў стварылі чат-бот у «Telegram», які дапамагае менчукам абменьвацца патрэбнымі рэчамі са сваймі суседзямі. Ідэя «Covidex Bot» прыйшла да Паўла Прата, калі ён пабачыў, што адбываецца ў розных краінах ЗША і Еўропы, дзе ўвялі жорсткі каранцін і людзі не заўсёды маюць магчымасць выйсці з хаты.
Чат-бот – гэта праграма ўнутры мэсэнджару, якая імітуе размову з карыстальнікам. Праз адказы на пытанні яна збірае, а потым сартуе і распаўсюджвае інфармацыю сярод іншых карыстальнікаў.
«Covidex Bot» разлічаны на тых людзей, якія падчас пандэміі знаходзяцца на самаізаляцыі, але ім патрэбная ежа ці медыкаменты. Камусьці бракуе тавараў першай неабходнасці, а ў іншых жа, напрыклад, ежы вельмі шмат. Абмен – выгаднае рашэнне для ўсіх», – гаворыць Павел.
Мікіта Герасімчык адказвае за маркетынг, Максім Капусцін займаецца тэхнічным бокам.
Распрацоўка заняла тры тыдні. Уся праца адбывалася на адлегласці: каманда камунікавала паміж сабой у розных мэсэнджарах. Урэшце 20 красавіка сэрвіс пабачыў свет.
«Мы студэнты апошніх курсаў розных ВНУ, зараз занятыя напісаннем дыпломаў і асноўнымі працамі. Таму «Covidex Bot» мы стваралі ў вольны час. Працавалі то ранкам, то ўначы, часам на выходных», – кажа Мікіта Герасімчык.
Сэрвіс бясплатны і мае на мэце аб’яднаць суполкі па абмене рознымі рэчамі, якія існуюць у беларускім інтэрнэце.
«Мы з імі не хочам канкураваць, нашая мэта – аўтаматызаваць працэс абмену паміж суседзямі», – тлумачыць Павал Прата.
За амаль тыдзень існавання чат-бота ім ужо скарысталіся больш за 100 чалавек. Найбольш часцей менчукі мяняюцца медычнымі маскамі і ежай.
Стваральнікі заяўляюць, што збіраюцца заняцца актыўным прасоўваннем праекту. Калі праект добра прымуць, то, магчыма, яго перанясуць у іншы мэсэнджар або зробяць спецыяльны сайт.
Калі сэрвіс стане паспяховым у Беларусі, стваральнікі плануюць адаптаваць сэрвіс пад іншыя мэсэнджары і выйсці на еўрапейскі і амерыканскі рынкі.
Пра тое, каб зарабляць на праекце, хлопцы пакуль што не думалі. А калі пандэмія пойдзе на спад, плануюць зрабіць з чат-бота сэрвіс па абмене ежай.
Ксенія Тарасевіч belsat.eu