http://www.tvp.pl/player/video?id=39037371
Канцэрт гурту «Volski» (Лявон Вольскі), прысвечаны 100-годдзю абвяшчэння Беларускай Народнай Рэспублікі, які адбыўся 25 сакавіка 2018 году ў Беластоцкай філармоніі (Польшча).
Лявон Вольскі адзначае дзень народзінаў. Глядзіце найлепшыя праграмы і канцэрты з ягоным удзелам!
14.09.201812:56
Сёння Дзень народзінаў адзначае сапраўдная легенда беларускага року і проста выдатны чалавек Лявон Вольскі. Беларускі паэт і празаік, дзеяч культуры, мастак, гітарыст, вакаліст, клавішнік, аўтар музыкі, аранжыроўшчык, стваральнік гурта N.R.M. і Крамбабуля нарадзіўся 14 верасня 1965 году.
Тэлеканал Белсат віншуе Лявона Вольскага з Днём народзінаў і зычыць добрага здароўя і новых песен!
Глядзіце падборку канцэртаў і песняў Вольскага на «Белсаце»
Лявон Вольскі ў студыі «Belsat Music Live»
Музыка грае даволі жорсткі музычны сэт, складзены з песень з альбомаў «Psychasamatyka» і «Hramadaznaūstva», а ў размове з Міраю Шульц распавядзе, што яго ратуе ад поўнай роспачы ды адчаю і наагул як жыць далей па сканчэнні «шоу лібералізацыі».
«Псіхасаматыка». Сольны альбом Вольскага
Чацвёрты сольны альбом Лявона Вольскага прэзентаваны ў Вільні – з поўнаю заляю слухачоў ды інтэрнэт-трансляцыяй ад «Белсату», якую ў той жа дзень паглядзелі больш за 10 тысячаў асобаў.
«Народны альбом. 20 гадоў». Тэлеверсія канцэрту
Рэактывацыя культавага музычнага праекту сярэдзіны 90-х гадоў. 27 песняў распавядаюць гісторыю заходнебеларускага мястэчка ў міжваенны перыяд.
Прэм’ера канцэрту адбылася 4 верасня 2016 года на сцэне Падляскай оперы ў Беластоку. Тэлевізійная прэм’ера адбылася ў навагоднюю ноч 2017 года на канале «Белсат».
Лявон Вольскі ў Беластоку. Канцэрт да 100-годдзя БНР
СК, belsat.eu
