9 сакавіка легендарнай ляльцы Барбі споўнілася 60 гадоў. Першая Барбі ўбачыла свет 9 сакавіка 1959 года падчас Нью-Йоркскага кірмашу цацак, паведамляе «Reuters».
Першая лялька Барбі была апранутая ў чорна-белы купальнік, а яе кошт складаў усяго $ 3. Выпускам першых лялек займалася амерыканская фабрыка ў Вісконсіне. Цягам 60 гадоў у Барбі было больш за 200 вобразаў.
Ляльку выпускалі ў розных касцюмах: ад кухара да кандыдата ў прэзідэнты ЗША і канцлера Нямеччыны.
Лялька Барбі ў вобразе агента Скалі з серыялу «Сакрэтныя матэрыялы». Фота – barbie.mattel.com
Візуальныя змены лялек закранулі памер вачэй, колер скуры і валасоў. Некалькі разоў стваральнікі лялькі рабілі цацку максімальна падобнай да тых ці іншых рэальных персанажаў.
ЮВ, belsat.eu
