Украіна можа задзейнічаць абмежавальныя механізмы для зніжэння імпарту беларускага бензіну ўслед за ўвядзеннем імпартных мытаў на расейскае дызпаліва, якое пастаўляецца па нафтаправодах, распавёў дырэктар ТАА «Кансалтынгавая група А-95» (Кіеў) Сяргей Куюн у інтэрв’ю «Веснік Белнафтахіму.
«Услед за «дызельнымі» мытамі на расейскае паліва могуць быць уведзеныя абмежаванні на беларускі бензін», – сказаў Сяргей Куюн.
Эксперт звязвае магчымыя абмежаванні на імпарт беларускага бензіну з актывізацыяй НПЗ «Укртатнафта», якім кіруе група «Прыват».
Паводле яго звестак, імпарт бензіну з Беларусі па выніках першага паўгоддзя сёлета скараціўся на 25 % да 315 тыс. тон у параўнанні з аналагічным перыядам мінулага года. Эксперт тлумачыць зніжэнне паставак беларускага бензіну тым, што «найбуйнейшыя пакупнікі – ОККО, WOG, AMIC сышлі да «Арлен Летува».
«У выніку доля беларускага бензіну ў балансе ўкраінскага рынку ў першым паўгоддзі знізілася з 44 % да 34 %. А Літва нарасціла пастаўкі ажно на 79 %», – адзначыў Куюн.
Між тым, эксперт падкрэслівае рост прывабнасці беларускага дызпаліва на ўкраінскім рынку ва ўмовах увядзення Украінай з 1 жніўня адмысловай мыты на дызельнае паліва, якое пастаўляецца з Расеі трубаправодным транспартам. З 1 кастрычніка спецмыта вырасце з 3,75 % да 4 %, нагадаў Куюн.
«Гэта аўтаматычна ўзмоцніць прывабнасць беларускага напрамку», – паведаміў эксперт.
Абмежавальная захада ў дачыненні да беларускай прадукцыі ўжо не першы раз уводзіцца Кіевам. Гэтак 21 траўня Міжведамасная камісія па міжнародным гандлі (МКМТ) Украіны прыняла рашэнне аб увядзенні антыдэмпінгавых мераў у дачыненні да імпарту ва Украіну цэментных клінкераў і портландцементу з Расеі, Беларусі і Малдовы.
Раней пад забарону патрапілі беларускія калійныя ўгнаенні.
СК belsat.eu