Хуткія забіраюць затрыманых з РУУСаў. Вядома пра зламаную нагу і агнястрэльную рану
Медыкі даставілі ў лякарні шэраг пратэстоўцаў, якіх 6 снежня затрымалі на Маршы волі ў Менску.
Як паведамляюць «Белые халаты», машыны хуткай дапамогі забралі траіх затрыманых з Кастрычніцкага РУУС. Іх прозвішчы – Мялешка, Дзярушка і Ліхтаровіч. Аднаго з іх, магчыма Ліхатаровіча, з агнястрэльным раненнем павезлі ў вайсковы шпіталь.
З Цэнтральнага РУУС хуткая вывезла Ягора Дыранкова, у якога была зламаная нага.
Яўгена Каленскага з прычыны высокага ціску забралі з Партызанскага РУУС.
З Маскоўскага РУУС трое мужчынаў з’ехалі на хуткай пад канвоем. Іх прозвішчы невядомыя, паведамляюць валанцёры.
Таксама хуткія прыязджалі ў Першамайскае і Партызанскі РУУС.
Афіцыйна ў Менску затрымалі больш як 300 чалавек.
МГ belsat.eu
Напішы журналісту ліст
Тры беларускія журналісткі ўтрымліваюцца цяпер за кратамі і маюць абвінавачванні паводле крымінальных артыкулаў: Кацярына Андрэева («Белсат»), Дарʼя Чульцова («Белсат»), Кацярына Барысевіч (TUT.BY).
Адным з моцных спосабаў падтрымаць дзеўчын можа стаць ваш ліст да іх.
Куды пісаць:
Кацярына Андрэева (Бахвалава): 222160 г. Жодзіна, вул. Савецкая, д. 22а.
Дарʼя Чульцова: 222160 г. Жодзіна, вул. Савецкая, д. 22а.
Кацярына Барысевіч: СІЗА № 1, 220030 г. Менск, вул. Валадарскага, д. 2.
Не забудзьцеся ўкласці ў ліст пусты канверт, каб дзеўчыны маглі вам адказаць. Дзякуем за вашую неабыякавасць!
