Паміж Украінай і Беларуссю, таксама як і лідарамі краінаў ёсць давер. Гэткімі словамі распачаў прэзідэнт Украіны Пётр Парашэнка сустрэчу з Аляксандрам Лукашэнкам.
Паводле прэсавай службы кіраўніка Беларусі, Пятро Парашэнка выказаў перакананне, што давер стане гарантам бяспекі, надзейнасці, сяброўства і супрацы.
«Мяжа паміж Беларуссю і Украінай павінна быць выключна мяжой міру, сяброўства і надзейнасці. І вы, і я робім да гэтага максімальныя намаганні», – адзначыў Пётр Парашэнка.
У сваю чаргу, Аляксандр Лукашэнка цёпла вітаў Парашэнка ў Гомлі.
«Вы, напэўна, адчуваеце, што ён нічым не адрозніваецца ад украінскіх гарадоў. Гэта натуральна, бо да мяжы тут літаральна рукой падаць. Тут вельмі шмат жыве ўкраінцаў, грамадзянаў Украіны», – сказаў кіраўнік Беларусі Аляксандр Лукашэнка.
СК, belsat.eu