Антонью Гутэрыш выступіў з прамоваю да дня памяці Нельсана Мандэлы, у якой заклікаў кіраўнікоў краінаў аб’яднацца, каб перамагчы пандэмію.
Антонью Гутэрыш запісаў зварот з нагоды дня памяці Нельсана Мандэлы. У сваёй прамове ён заклікае ўрады краінаў свету да яднання і салідарнасці, каб перамагчы пандэмію COVID-19.
«COVID-19 пагражае ўсім людзям, дзе б яны не знаходзіліся, а асабліва найбольш уразлівым. Перад тварам тых складанасцяў сусветныя лідары мусяць прызнаць жыццёвую неабходнасць еднасці і салідарнасці. COVID-19 выкрывае глыбокую няроўнасць».
Генсек ААН заклікаў змагацца з пандэміяй праз новую грамадскую дамову. Бо паводле яго толькі так можна змагацца з пандэміяй і паспяхова пераадолець ейныя наступствы.
Таксама Антонью Гутэрыш зазначыў, што ў XXI стагоддзі не мусіць быць вязняў сумлення.
«Няхай прыклад Нельсана Мандэлы змусіць урады тых краінаў, дзе такія вязні ёсць, вызваліць іх», – гаворыць ён.
На 18 ліпеня ў свеце было выяўлена больш за 14 мільёнаў выпадкаў каронавірусу. Найбольш ад вірусу пацярпелі краіны Паўночнай Амерыкі і Еўропы.
КТ belsat.eu