У Менску 5 лістапада намесніца генеральнага дырэктарата ў палітыцы суседства і перамовах аб пашырэнні ЕЗ Катарына Мацярнова сустрэлася з намеснікам міністра замежных справаў Алегам Краўчанкам.
Падчас сустрэчы бакі абмеркавалі актуальныя пытанні супрацы Рэспублікі Беларусь з Еўразвязам, паведамляе сайт МЗС Беларусі. Акрамя іншага размова падчас сустрэчы вялася і пра рэалізацыю праектаў і праграмаў, што рэалізуюцца ў нашай краіны пры фінансавым падтрыманні Еўразвязу.
Катарына Мацярнова знаходзіцца ў нашай краіне з рабочым візітам для ўдзелу ў мерапрыемствах Кастрычніцкага эканамічнага форуму.
СК, belsat.eu