Барацьба з Каардынацыйнай радай, ціск на яе членаў – бессэнсоўнае справа. Пра гэта напісала Святлана Ціханоўская ў сваім Тэлеграм-канале.
«Пасля выбараў Беларусь апынулася ў стане вострага палітычнага крызісу. Прычына крызісу ўсім вядомая – былы прэзідэнт адмаўляецца сыходзіць пасля таго, як выбаршчыкі адмовілі яму ў даверы і падтрымцы на выбарах.
Каардынацыйная рада была створана, каб садзейнічаць выхаду з гэтага крызісу. Найлепшым спосабам выхаду з’яўляюцца перамовы, і Каардынацыйная рада будзе садзейнічаць пачатку перамоваў, узгадненні і фармуляванні пазіцыі грамадства на перамовах, а таксама знаходжанню найлепшых рашэнняў для дабра краіны.
Я хачу яшчэ раз падкрэсліць, што стварэнне Каардынацыйнай рады – гэта важны крок у правільным кірунку.
Рада абʼядноўвае інтарэсы ўсіх беларусаў, якія імкнуцца да свабоды і пераменаў у краіне. Барацьба з Каардынацыйнай радай, ціск на яе сяброў – бессэнсоўнае справа, так як Рада – не прычына крызісу, а магчымасць яго пераадолення.
Сябры прэзідыума Рады – Святлана Алексіевіч, Вольга Кавалькова, Сяргей Дылеўскі, Марыя Калеснікава, Павел Латушка, Лілія Уласава, Максім Знак – гэта людзі, якіх паважае ўсё наша грамадства. Любыя спробы іх пераследу кідаюць цень на сілавыя структуры і выклікаюць грамадскі пратэст.
Я салідарная з усімі сябрамі Каардынацыйнай рады, якія паставілі інтарэсы нашай краіны вышэй інтарэсаў уласнага дабрабыту і бяспекі. Я захапляюся іх прынцыповасцю і рашучасцю ісці на рызыку, каб дапамагчы пераадолець палітычны крызіс.
Тысячы людзей падалі заяўкі ў пашыраны склад Рады, і я вітаю ініцыятыву кожнага з іх.
Мы робім агульную справу, нягледзячы на абмежаванні свабоды, на адлегласці і рэпрэсіі. Мы адзіныя ў сваім імкненні да мэты, мы выстаім, мы пераможам!»