Аляксей Навальны паведаміў пра поспех сваёй стратэгіі «разумнага галасавання» – прызыву галасаваць за прахадных кандыдатаў ад апазіцыі, каб парушыць манаполію «Единой России» ў гарадскім парламенце. Ён падзякаваў прыхільнікам у Twitter.
Ад КПРФ у Масгардуму праходзіць 13 кандыдатаў. Упершыню з 2005 года ў Масгардуме будуць дэпутаты ад партыі «Яблоко».
З сярэдзіны ліпеня ў Маскве праходзілі акцыі пратэсту з патрабаваннем дапусціць да ўдзелу ў выбарах у Масгардуму незалежных кандыдатаў, сабраныя подпісы якіх выбаркам палічыў несапраўднымі. За гэты час сілавікі затрымалі тысячы ўдзельнікаў мітынгаў.
Паліцыя таксама затрымлівала лідараў апазіцыі і незалежных кандыдатаў у дэпутаты, у іх кватэрах і офісах адбыліся ператрусы. Следчы камітэт прад’явіў абвінавачванне 14 фігурантам справы аб «масавых беспарадках».
ДР belsat.eu