Супрацоўнікі ДАІ гналіся за п’яным кіроўцам па начным Мазыры.
Відэазапіс пагоні апублікаваў тэлеканал «Мазыр».
Інцыдэнт здарыўся ноччу 20 кастрычніка.
Інспектары ДАІ звярнулі ўвагу на «Opel», які гучна і з прабуксоўкай стартануў ад аднаго з забаўляльных цэнтраў гораду. Патрабаванне спыніцца кіроўца праігнараваў. Калі ён зразумеў, што сысці ад пераследу не атрымаецца, кінуў аўта і спрабаваў уцякаць. У выніку мужчыну затрымалі.
Высветлілася, што за стырном быў 21-гадовы жыхар Любані, які прыехаў на працу ў Калінкавічы. Ён вырашыў правесці свой выходны ў Мазыры, дзеля гэтага пазычыў у сябра аўта.
Супраць маладога чалавека склалі адразу некалькі пратаколаў, машыну сябра адправілі на штрафстаянку.
НМ, belsat.eu
