Пра гэта паведаміла афіцыйны прадстаўнік Следчага камітэту Юлія Ганчарова. Кіраўніка Салігорскага раёну Аляксандра Рымашэўскага затрымалі 2 чэрвеня праз падазрэнне ў хабарніцтве.
Паводле яе, следства хадайнічала перад пракурорам пра меру стрымання і хадайніцтва задаволілі. Расследаванне крымінальнай справы працягваецца.
Жыхары вёскі Камень, дзе жыве Рымашэўскі, кажуць, што яго браў АМАП і КДБ у ягоным новым доме ў вёсцы Камень. Паводле афіцыйнай версіі, затрыманне адбывалася на дарозе паміж Салігорскам і Каменем беспасярэдне пасля таго, як чыноўнік атрымаў хабар памерам $ 2 700 – за тое, каб райвыканкам зрабіў у хабарадаўцы дзяржаўную закупку.
У Салігорскім райвыканкаме, які Рымашэўскі ачольваў больш за 10 гадоў, меркаванні на ягоны конт супярэчлівыя. Сыходзяцца на адным: чалавек быў крутога характару, за што атрымаў мянушку бульдозер. Ёсць у Рымашэўскага яшчэ адна мянушка – Даяр. Атрымаў ён яе за актыўнае насаджэнне ў раёне малочных фермаў.
Рымашэўскаму пагражае да 15 гадоў пазбаўлення волі з канфіскацыяй маёмасці.
ДР belsat.eu
