Уласнік сеткі крамаў «Пяты элемент» Андрэй Балабін набыў дом Уладзіміра Караткевіча ў Воршы, які быў выстаўлены на продаж сёлета ўлетку, паведамляе nn.by.
У гэтым доме Караткевіч напісаў «Дзікае паляванне караля Стаха».
Дом Уладзіміра Караткевіча
Бізнесмен набыў нерухомасць за Br 10 800. Ён збіраецца перадаць дом мясцоваму музею.
Балабін нарадзіўся ў Воршы. Вучыўся ў аршанскай школе №7. Пасля скончыў Менскае сувораўскае ваеннае вучылішча і паступіў у Менскае вышэйшае інжынернае зенітна-ракетнае вучылішча.
У рэйтынгу самых паспяховых і ўплывовых бізнесменаў Беларусі ён займае 133-е месца.
Музей Уладзіміра Караткевіча ў Воршы (вул. Уладзіміра Леніна, 26) адкрыўся ў 2000 годзе.
У 2016 годзе ў Рагачове адкрыўся Дом кнігі імя Уладзіміра Караткевіча.
