Траса М4 Менск – Магілёў лічыцца адной з лепшых дарог у Беларусі: дзве паласы ў кожны бок, ідэальны асфальт. Але раніцай 5 студзеня і па ёй можна было ехаць з вялікай асцярожнасцю.
У Беларусі з ночы занялася завіруха. Па трасе М4 Менск – Магілёў ехаць раніцою суботы можна было з вялікай асцярожнасцю – часам дарогі ўвогуле не было бачна.
З аднаго боку, ехаць небяспечна – на снезе машыну моцна носіць. З іншага, вакол такая прыгажосць! За вакном не бачна лініі гарызонту – паўсюль бялым-бяло.
А 10-й гадзіне раніцы тэхніка яшчэ не паспела пачысціць трасу ад Менску да Бялыніч, таму ехаць трэба было з вялікай асцярожнасцю.
Ехаць больш за 70 км/г кіроўцы баяліся. Пры апярэджванні хуткасць скідвалі абодва кіроўцы да 50-60 км/г. Больш-менш упэўнена ехаць можна было толькі па адной паласе з двух, на якой быў бачны асфальт.
У Беларусі з ночы занялася завірухаДругая паласа была цалкам заснежаная і таму небяспечная, пасля выезду на яе машыны моцна кідала з боку ў бок.
Адрэзак М4 ад Бялынічаў да Магілёва лепш пачышчаны, на ім можна спакойна прытрымлівацца сярэдняй хуткасці 100 км/г.
На ўсёй адлегласці трасы стаяла шмат машын на аварыйке. Таксама багата працавала камунальнай тэхнікі.
Спадзяёмся, дарогу ўжо дачысцілі і цяпер на ёй ехаць стала бяспечна. Паважаныя кіроўцы, памятайце, што пры снегападзе трэба быць вельмі ўважлівымі за стырном. Не забывайце ўключаць бліжняе святло і прытрымлівацца бяспечнай хуткасці і адлегласці ад іншых машын. Добрай дарогі!
За вакном не бачна лініі гарызонту – паўсюль бялым-бяло.
Вольга Васільева, фота аўтара/belsat.eu
