«Белсат» зганяў на рок-фестываль «Рок за Баброў». Было гучна і драйвова. Фестываль на аэрадроме «Баравая» быў 12-ым паводле ліку. Арганізатары заяўляюць, што яго наведала больш за 50 тысяч чалавек.
Адкрывалі фестываль традыцыйна беларускія гурты – «Dlina Volny», «Panska Moc», «Milmars», «Бакей», «Петля Пристрастия» і «Дай Дарогу!».
За некалькі гадзін да фестывалю стала вядома, што не адбудзецца выступ расейскага гурта «Little Big», бо яго саліст трапіў у больніцу з высокай тэмпературай.
Вядоўцамі былі беларускі музыка Аляксандр Памідораў і расейскі інтэрв’юер Юрый Дудзь.
Таксама выступіў гурт «Ляпіс-98», вакаліст якога Сяргей Міхалок выканаў і некалькі песень з рэпертуару «Brutto».
Завяршыўся опэн-эйр выступам рэпера Баста.
Фота: Ірына Арахоўская