Некалькі рэгіянальных заправак «Лукойла» увялі ліміты на продаж паліва. Пра гэта TUT.BY даведаўся ад сваіх чытачоў. Інфармацыю пацвердзілі на некаторых АЗС.
На АЗС № 21 у Берасці карэспандэнту TUT.BY сказалі, што абмежаванне датычыць дызеля. Можна набыць не больш за 100 літраў. «Праблемы з палівам, яго не хапае на ўсе запраўкі», – распавялі на АЗС.
Аналагічную інфармацыю выданне атрымала на АЗС № 22, а таксама на запраўцы № 17 у Баранавічах.
На запраўках «Лукойла» у Менску, Бабруйску, Горадні, Салігорску і Віцебску інфармацыю пра абмежаванні зняпраўдзілі.
Паводле непацверджанай інфармацыі, беларускім сеткам АЗС, якімі валодаюць расейскія нафтавыя кампаніі, адмаўляюць у пастаўках нафтапрадуктаў з НПЗ у Мазыры і Наваполацку.
ЮВ belsat.eu