[vc_row][vc_column][vc_single_image image=”178404″ img_size=”large” add_caption=”yes”][vc_column_text]«Гугл» прысвяціў малюнак-застаўку матэматыку Клоду Элвуду Шэнану, аўтару тэорыі інфармацыі.
Клод Шэнан нарадзіўся 30 красавіка 1916 года ў прыбярэжным курорце Петоскі ў штаце Мічыган. У дзяцінстве хлопчык захапіўся канструяваннем механічных і аўтаматычных прыладаў: ён збіраў мадэлі караблёў і самалётаў, якімі можна было б кіраваць праз радыё, ды наладзіў тэлеграфную сувязь з хатай свайго сябра.
У 1932 годзе Шэнан паступіў у Мічыганскі ўніверсітэт, дзе вывучаў матэматыку і электратэхніку. Ягоная дыпломная праца была прысвечаная лічбавым ланцужкам. Говард Гарднэр з Гарвардскага ўніверсітэту казаў, што гэтая магістарская праца – «бадай, найважнейшая ў ХХ стагоддзі».[/vc_column_text][vc_single_image image=”178400″ img_size=”large” add_caption=”yes”][vc_column_text]Яшчэ ў маладосці Шэнан зразумеў важнасць двайковага коду, і прароча сцвердзіў, што радкамі адзінак і нулёў можна запісаць тэкст, малюнак і гук.
Шэнан – заснавальнік тэорыі інфармацыі, якая знайшла прымяненне ў сучасных высокатэхналагічных сістэмах сувязі. Навуковец унёс вялікі ўклад у тэорыю імавернасных схемаў, тэорыю аўтаматаў і тэорыю сістэмаў кіравання – галіне навук, якія ўваходзяць у паняцце «кібернетыка».
У 1948 годзе матэматык прапанаваў выкарыстоўваць слова «біт» для абазначэння найменшай адзінкі інфармацыі.
На сёння ўсе сістэмы лічбавай сувязі праектуюцца на падставе фундаментальных прынцыпаў і законаў перадачы інфармацыі, якія распрацаваў Шэнан.
ДД, belsat.eu
