На святочнай імпрэзе з нагоды 12-га дня народзінаў «Белсату» былі названыя пераможцы нашых традыцыйных штогадовых намінацыяў.
Глядзіце сюжэт у выданні «Аб’ектыву»:
Падчас свята Божага Нараджэння ўпершыню ў гісторыі беларускага тэлебачання «Белсат» правёў адмысловыя трансляцыі з Ватыкану і Віфлеему. Іх падрыхтаваў Сяргей Падсасонны.
«Дзякуй вялікі ўсёй камандзе «Белсату». Без вас гэта не атрымалася б. Гэта дарога даўжынёю 12 гадоў. Мы зрабілі гістарычныя рэчы, якіх ніхто ў гісторыі беларускага тэлебачання не рабіў. Персанальна адрасую гэтую ўзнагароду маёй бабулі, якая яе не дачакалася, але вельмі б цешылася. А службова адрасую ўзнагароду майму любімаму аператару Сяргею Кавалёву, без якога не было б ніякіх кадраў», – сказаў падчас цырымоніі Сяргей Падсасонны.
Таксама Сяргей – аўтар і вядоўца праграмы «Белсат едзе», рэдактар-выдаўца спецэфіру з пахавання Кастуся Каліноўскага і паўстанцаў (Вільня, працягласць трансляцыі 7 гадзінаў 40 хвілінаў).
У гэтай намінацыі перамаглі «Жоўтыя кветкі» Касі Растоцкай.
Фільм пра жанчыну, якая нарадзілася на Урале ў сям’і раскулачаных беларусаў. Яна дагэтуль згадвае жоўтыя кветкі жаркі – першыя, што зацвіталі ўвесну, маці прыносіла іх з лесапавалу.
Журы, у якое ўвайшлі дырэкцыя і кіраўнікі рэдакцыяў каналу, прызнала найлепшым рэпартажам 2019-га «Шанец для Лены» Вікторыі Боевай пра былых выхаванцаў Багушэўскага псіханеўралагічнага дому-інтэрнату, якія вырашылі ажаніцца.
Тут перамагла праграма Станіслава Івашкевіча «Давайце разбірацца» пра карупцыю, «распілы», парушэнні заканадаўства на найвышэйшым узроўні і тое, што ад нас хаваюць улады.
22 лістапада ў Вільні адбылося перапахаванне Кастуся Каліноўскага і ўдзельнікаў паўстання 1863–1864 гг. У эфіры «Белсату» мы паказалі цырымонію грамадскага развітання і ўрачыстую працэсію на могілкі Росы, дзе парэшткі паўстанцаў і Кастуся Каліноўскага знайшлі спачын у капліцы.
Найлепшымі ў гэтай намінацыі сталі Дзяніс Дзюба і Якуб Бернат – аўтары публікацыі «Ліквідатар зняў гэта ў чарнобыльскай зоне, пакуль камеру не забраў КДБ».
Лаўрэатам у гэтай намінацыі стаў Дзяніс Дзюба за навіну пра дзіўныя абставіны смерці міліцыянта з Магілёва. Навіна сабрала каля 150 000 клікаў.
Сярод пераможцаў у гэтай намінацыі таксама апынуліся Сцяпан Святлоў і Вольга Старасціна, іхны выпуск «Суб’ектыву» сабраў 600 000 праглядаў.
Васіль Таран – за апытанку «Чый Крым?» (401 000 праглядаў у Facebook’у).
Юля Шаблоўская за сюжэт «Пид**асам вход запрещен».
Маша Макарава – за наўпроставае ўключэнне з Масквы, каб паказаць рэакцыю Расеі на перамогу Уладзіміра Зяленскага ў прэзідэнцкай гонцы ва Украіне.
Імі сталі Івона Гурніцка і Барташ Барынаў – людзі, якія працуюць за кадрам і робяць усё, каб вынік працы каманды «Белсату» падабаўся вам, тым, хто нас чытае і глядзіць
ЮВ belsat.eu