У Горадні затрымалі журналіста Паўла Мажэйку. Пра гэта паведамляе тэлеграм-канал «Суды, задержания. Гродно и область». Прычына затрымання не вядомая.
У 2002–2004 гадах Павел Мажэйка ўжо быў асуджаны да «хіміі» за нібыта паклёп на Аляксандра Лукашэнку ў артыкуле пра знікненне Юрыя Захаранкі, Віктара Ганчара і іншых апанентаў кіраўніка Беларусі.
Журналіст вёў аўтарскія праграмы на «Белсаце», а затым стварыў у Горадні «Цэнтр гарадскога жыцця». Летась яго ліквідавалі паводле пазову пракуратуры.
26 красавіка 2021 года на Паўла Мажэйку, мастака Алеся Пушкіна і «іншых асобаў» завялі крымінальную справу паводле ч. 3 арт. 130 КК за нібыта рэабілітацыю і апраўданне нацызму. Прычына – дэманстрацыя 19 сакавіка на выставе ў «Цэнтры гарадскога жыцця» партрэта беларускага антысавецкага дзеяча Яўгена Жыхара. Пазней Паўла адпусцілі, бо «зніклі падставы для затрымання».
Якуб Хруст belsat.eu