Невядомыя 29 жніўня пакінулі пасланне на браме рэзідэнцыі амбасадара Беларусі ў сталіцы Літвы. Пра гэта паведамляе тэлеграм-канал Антона Матолькі.
«Палітвязням – свабоду. Тыранам – смерць», – напісана на браме ў Вільні.
Нагадаем, што 7 ліпеня ў адказ на працяг «сістэматычных і недружалюбных дзеянняў» Беларусі ў дачыненні Літвы часовы павераны ў справах Беларусі быў выкліканы ў літоўскае Міністэрства замежных справаў.
Да паўночы 12 ліпеня дыпламатычны склад амбасады Беларусі ў Літве мусіў быць скарочаны да аднаго супрацоўніка дзеля выканання консульскіх функцыяў. Таксама маглі застацца не больш як тры працаўнікі пасольства для адміністрацыйных і тэхнічных функцыяў.
МГ belsat.eu