Спарткомплекс у Менску.
Фота: mchs.gov.by
Міністэрства надзвычайных сітуацыяў Беларусі паведамляе пра здарэнне ў памяшканнях фізкультурна-аздараўленчага комплексу на праспекце Ракасоўскага, 44 у Менску.
Паводле МНС, увечары 28 сакавіка наведнікі паведамілі аб рэзкім задушлівага паху. Выявілася, што ў памяшканні водападрыхтоўкі, размешчанай у склепе, ішлі працы па абслугоўванні дазуючай станцыі. Падчас іх каагулянт для асвятлення вады памылкова залілі ў ёмістасць з хлорам, у выніку адбылася хімічная рэакцыя з вылучэннем пароў хлору.
З будынку эвакуявалі 82 чалавекі. Адзін работнік комплексу быў шпіталізаваны з дыягназам: атручэнне парамі хлору.
У памяшканні водападрыхтоўкі гранічна дапушчальная канцэнтрацыя пароў хлору была перавышана ў 35 разоў.
МГ belsat.eu
