Аператар сувязі «А1» абвясціў пра перанос анансаваных раней зменаў кошту некаторых паслуг сувязі для фізічных і юрыдычных асоб.
Такім чынам, памеры абаненцкіх плат на тарыфных планах для фізічных і юрыдычных асоб, кошт выклікаў на некаторых тарыфах, кошт інтэрнэт-трафіку звыш уключанага ў абаненцкага плату для юрыдычных асоб, а таксама кошт паслуг у роўмінгу і міжнародных выклікаў вырастуць не з 1 кастрычніка, як планавалася раней, а з 1 лістапада.
Усе астатнія змены ўступяць у сілу ў адпаведнасці з раней анансаваных тэрмінам, адзначылі ў кампаніі.
Нагадаем, што кампанія «А1» паведаміла пра павышэнне коштаў 18 верасня. Яны мусілі павялічыцца прыкладна на 4% з 1 кастрычніка.
Таксама пра падаражэнне паведамілі пасля «Белтэлекам» і МТС.
МГ belsat.eu
