Старшыня Беларускага незалежнага прафсаюзу Максім Пазнякоў не выйшаў на волю пасля арышту – яму дадалі яшчэ 15 содняў, паведамляе прэс-служба Свабоднага прафсаюзу Беларускага.
Пазнякова судзілі паводле ч. 1 арт. 24.23 КаАП РБ («Парушэнне парадку правядзення ці арганізацыі масавых мерапрыемстваў»). У чым менавіта абвінавацілі прафсаюзнага лідара – невядома.
Максіма Пазнякова затрымалі раніцай 17 траўня ля дзіцячага садка ў Наваполацку, куды мужчына адвозіў сваіх дзяцей. Старшыню прафсаюзу тады асудзілі на 15 содняў за ўкраінскі сцяг і фразу «Я за незалежнасць» на аватарцы ў «Фэйсбуку».
ГГ, belsat.eu