ЗСУ і тэрытарыяльная абарона вызвалілі горад Ірпінь у Кіеўскай вобласці ад расейскіх войскаў, паведаміў кіраўнік горада Аляксандр Маркушын у Facebook.
Аляксандр Маркушын заявіў, што зараз у Ірпені праходзіць зачыстка, і папрасіў мясцовых жыхароў, якія пакінулі горад, пакуль не вяртацца з-за магчымых атак і дадаў, што Ірпінь – усё яшчэ небяспечнае месца.
Таксама мэр гораду паведаміў, што цяпер ЗСУ замацоўваюцца на занятых рубяжах і далей маюць намер вызваліць Бучу, Гостомель і Ворзель.
Ірпінь – гэта прадмесце, якое знаходзіцца за шэсць кіламетраў да Кіева. Месца стала адной з самых «гарачых кропак» падчас нападу расейскіх вайскоўцаў, яго абстрэльвалі з артылерыі, было разбурана шмат жылых дамоў. Баі ў горадзе пачаліся з першых дзён вайны.
АД belsat.eu
