Расейскі ваенны грузавік з літарай «V» трапіў у ДТЗ пад Мазыром. Ён наехаў і памяў легкавую машыну, паведамляе тэлеграм-канал «МотолькоПомоги».
Паведамляецца, што аварыя адбылася ў 15:40 на ўездзе ў Мазыр з боку Ельска па аўтатрасе Р31, каля прыпынку «Мазырсоль» насупраць аўтазапраўкі «Беларуснафта».
Відэа здарэння:
На здымках відаць, як КамАЗ пратараніў і ўпёрся ў правы бок легкавой машыны, задняя частка якой цалкам памятая, а таксама адсутнічае левае задняе кола. Машына, верагодна, не падлягае аднаўленню.
На месцы аварыі працуе экіпаж ДАІ, калона расейскіх ваенных грузавікоў з літарамі V – КамАЗы і «Уралы», – стаяць прама на дарозе. Перад месцам ДТЗ, на трасе Р-31, утварыўся вялікі затор.
Беларускія ўлады афіцыйна не паведамляюць аб аварыі.
АД belsat.eu
