Працэс аб ліквідацыі вядомага аб’яднання, якое дзеіць з канца 1980-х гадоў, прызначылі на 15 верасня, паведамляе «Штодзень».
За гады існавання краязнаўчай арганізацыі з яе шэрагаў выйшлі дзясяткі вядомых беларусаў. Сярод іх – лідар гурта «Стары Ольса» Зміцер Сасноўскі, бард і музыка Зміцер Вінаградаў, кандыдат мастацтвазнаўства Яўген Малікаў ды іншыя.
Арганізацыя адраджала старадаўнія беларускія народныя абрады, збірала фальклор і рэканструявала аўтэнтычныя святы.
Паводле статуту, асноўныя мэты дзейнасці ГМКГА «Талака» – вывучэнне, захаванне i папулярызацыя сярод моладзі беларускай нацыянальнай культуры, гісторыі ды краязнаўчая дзейнасць як адзін з фактараў нацыянальнага адраджэння Беларусі і пабудовы дэмакратычнага грамадства.
МГМ, belsat.eu