На саміт Расея – Афрыка, што адбудзецца 27–28 ліпеня ў Санкт-Пецярбургу, прыбылі толькі дзве траціны запрошаных кіраўнікоў афрыканскіх краінаў. Усяго ў мерапрыемстве пагадзіліся ўзяць удзел 17 прэзідэнтаў, піша выданне «The Moscow Times».
Лідары краінаў Афрыкі ў большасці праігнаравалі запрашэнне Уладзіміра Пуціна на ўдзел у саміце Расея – Афрыка. Крэмль даслаў запрашэнні ўсім 54 кіраўнікам незалежных краінаў кантыненту, але прыняць удзел пагадзіліся ўсяго толькі 17 прэзідэнтаў. Дэлегацыі 10 афрыканскіх краінаў узначаляць прэм’ер-міністры, а яшчэ 17 – віцэ-прэмʼеры або міністры. 5 краінаў будуць рэпрэзентаваныя амбасадарамі, яшчэ 5 адмовіліся ад удзелу.
На саміце Пуцін плануе сустрэцца з усімі прэзідэнтамі, якія прымуць удзел.
Саміт Расея – Афрыка адбудзецца другі раз, першы прайшоў у 2019 годзе ў Сочы. Тады запрашэнне прынялі ўсе краіны, а 45 з іх даслалі дэлегацыі на чале з прэзідэнтамі і прэм’ер-міністрамі.
Мікалай Каткоў belsat.eu
