Прычынай большай часткі зафіксаваных выпадкаў гібелі або раненняў цывільных сталі выбухі, абстрэлы артылерыяй і ракетныя ўдары.
Па дадзеных Вярхоўнага камісара ААН па правах чалавека за пяць месяцаў вайны, з 24 лютага 2022 года, ва Украіне загінулі 2019 мужчынаў, 1379 жанчынаў, 143 дзяўчынкі і 164 хлопчыка. Пол 41 дзіцяці і 1491 дарослага вызначыць немагчыма.
Параненыя ў выніку вайсковых дзеянняў 7035 чалавек, у тым ліку 1384 мужчыны, 1017 жанчынаў, 150 дзяўчатак, 215 хлопчыкаў, а таксама яшчэ 195 дзяцей і 4074 дарослых, чый пол невядомы.
У міжнароднай арганізацыі лічаць, што фактычныя лічбы могуць быць значна вышэй, паколькі шматлікія паведамленні ўсё яшчэ чакаюць пацверджання. Гэта датычна, напрыклад, Марыупалю (Данецкая вобласць), Ізюму (Харкаўская вобласць), Лісічанску і Севераданецку (Луганская вобласць).
Алена Рувіна belsat.eu