У ЗША на 96-ым годзе жыцця памёр Янка Запруднік (сапраўднае імя Сяргей Вільчыцкі) – найбуйнейшы культурніцкі дзеяч беларускай паваеннай эміграцыі, гісторык і публіцыст. Пра гэта паведамляе канал «Суполка беларускіх пісьменнікаў».
Янка Запруднік нарадзіўся 9 жніўня 1926 года ў мястэчку Мір на Гарадзеншчыны. Эміграваў у 1944 годзе. Скончыў Беларускую гімназію Імя Я. Купалы ў Вялікай Брытаніі, працаваў на шахтах. Атрымаў вышэйшую адукацыю на гістарычным факультэце Лювенскага ўніверсітэту (Бельгія). У 1957 годзе пераехаў у ЗША.
Быў адным з першых супрацоўнікаў радыё «Вызваленне» (пазней – Радыё Свабода) у Мюнхене, шмат гадоў узначальваў Нью-Ёрскае бюро.
Навуковая дзейнасць і публіцыстыка Янкі Запрудніка была прысвечана гісторыі Беларусі. Таксама ён быў вядомы і як паэт, пісаў пад псеўданімам Сяргей Ясень.
Акрамя таго, Янка Запруднік быў мецэнатам, ён падтрымліваў безліч беларускіх праектаў.
Глеб Нержын belsat.eu
