Давайце задамо сабе пытанне: без чаго б улада Лукашэнкі не выстаяла б у жніўні 2020? У чым сакрэт таго, што пры беспрэцэдэнтным узроўні рэпрэсій і ўзніклай нябачанай масавай нянавісці да міліцыі – сярод іх настолькі мала людзей сышло нават не тое, што ў апазіцыю, але хаця б у адстаўку?
Мая версія – сілавікі вераць у падтрымку Лукашэнкі з боку Расеі. І гэтая вера паўстала не на пустым месцы, яна актыўна падтрымліваецца і Крамлём, і самім Лукашэнкам.
Калі мы правядзем мысленны эксперымент і адбяром у Лукашэнкі ў жніўні 2020 падтрымку Крамля, што мы атрымаем? Уяўляецца, што многіх ахвяраў, у тым ліку – жыццяў беларусаў – атрымалася б пазбегнуць.
Можа быць беларусам перастаць вінаваціць сябе, называючы сябе баязліўцамі за нібыта «няздольнасць узяць уладу» у жніўні дваццатага?
Замест гэтага, давайце паспрабуем падвесці вынікі палітыкі ўрада краіны, якое называе беларусаў «брацкім народам» за 11 месяцаў са жніўня 2020 года. Паглядзім у вочы простым фактах:
Ці можна лічыць такую палітыку прыязнай? Па адносінах да Лукашэнкі, які незаконна сілай зброі захапіў уладу – так. А ў адносінах да беларускага народу?
Са жніўня месяца беларусаў масава саджаюць у турмы па ілжывых абвінавачваннях, дзе збіваюць і катуюць, каля дзесяці чалавек загінула. Усе краіны суседзі Беларусі праявілі салідарнасць з беларускім народам (акрамя адной). Усе, акрамя той, што называе сябе «братэрскім народам». Усе, акрамя Расеі.
Так можа справа не столькі ў нашай смеласці або баязлівасці, а ў тым, што без адкрыта абвешчанай сілавой падтрымцы Лукашэнкі Расеяй – рэжым не выстаяў бы.
Лічу, мы абгрунтавана расцэньвалі гэтую пагрозу, як рэальную, памятаючы пра тое, як Расея развязала вайну на Данбасе, у Грузіі, увязалася ў ваенны канфлікт у Сірыі.
Таму не трэба называць «баязлівасцю» або «няздольнасць узяць уладу» цалкам вытлумачальнае нежаданне губляць людзей у вайне з праціўнікам, які шматразова перавышае па сіле.
Ходкая фраза, якой апісваюцца ўзаемаадносіны рускіх і беларусаў – «брацкі народ». Акрамя агульнай гісторыі, Расея для Беларусі – самы буйны гандлёвы партнёр, ваенны саюзнік і партнёр па дамове аб Саюзнай дзяржаве. З моманту заключэння гэтага дагавора ўрад Расеі апошнія 20 гадоў перыядычна робіць заявы аб неабходнасці «больш шчыльнай інтэграцыі» і жаданні зрабіць Саюзную дзяржаву з практычна намінальнага аб’яднання – усё больш сутнасным і рэальным.
Мы можам напісаць 1000 артыкулаў на тэму, што «урад гэта адно, а народ – іншае», але людзі па сваёй прыродзе асацыююць дзеянні ўрадаў краін з іх народамі.
І ні гандлёвае партнёрства, ні агульная гісторыя, ні саюзная дзяржава – не пераважаць у вачах беларусаў падтрымку тэрарыстычнага рэжыму.
Беларусь не выходзіць з «сферы ўплыву Расеі». Крэмль сваімі ж рукамі выганяе нас з яе.
Міхаіл Кірылюк для belsat.eu
Рэдакцыя можа не падзяляць меркавання аўтара.