У нядзелю, 24 красавіка ў Францыі стартаваў другі тур прэзідэнцкіх выбараў. Абіраць французы будуць паміж двума кандыдатамі – дзейным прэзідэнтам Эманюэлем Макронам і старшынёй партыі «Нацыянальнае аб’яднанне» Марын Ле Пэн.
Выбарчыя ўчасткі ў Францыі адчыніліся а 8-й гадзіне раніцы мясцовага часу і будуць працаваць да 19-й, у некаторых месцах – да 20-й гадзіны.
Першы тур адбыўся 10 красавіка. Дзейны прэзідэнт Францыі Эманюэль Макрон набраў 27,85 % галасоў, Марын Ле Пэн – 23,15 %. Яўка склала 73,69 %.
Апытанні грамадскага меркавання, праведзеныя рознымі даследчымі арганізацыямі 20–22 красавіка, указваюць на перамогу Эманюэля Макрона. За яго гатовыя прагаласаваць да 57 % выбарцаў, за Ле Пэн – 45 %, піша Reform.by.
ГГ, belsat.eu