Кіраўнік НАУ Павел Латушка атрымаў адказ ліст ад міністаркі замежных справаў Новай Зеландыі Наны Махуты. Пра гэта паведамляе тэлеграм-канал НАУ.
У лісце міністарка паведаміла, што Новая Зеландыя прытрымліваецца даўняй палітыкі не прымаць афіцыйных актаў прызнання ўрадаў. Разам з тым, Махута падкрэслівае, што Новая Зеландыя прыпыніла двухбаковыя палітычныя стасункі на высокім узроўні з Беларуссю, у тым ліку на ўзроўні амбасадаў дзвюх краінаў. Таксама Новая Зеландыя ўнесла ў санкцыйных спіс больш за 70 асобаў, звязаных з рэжымам, уключаючы самога Аляксандра Лукашэнку.
У лісце адзначаецца, што Новая Зеландыя не аказвае беларускай дзяржаве якой-небудзь фінансавай, гуманітарнай або тэхнічнай дапамогі.
ІІ belsat.eu