Еўрапейскія палітыкі і кіраўнікі міністэрстваў замежных спраў працягваюць выказваць сваё абурэнне з нагоды затрымання Рамана Пратасевіча і экстранай пасадкі самалёта ў Менску.
Кіраўнік МЗС Вялікай Брытаніі Дамінік Рааб напісаў у Тўітэры, што яны ўжо «абмяркоўваюць свае дзеянні з саюзнікамі» у адказ на затрыманне Рамана Пратасевіча, а таксама пагразіў сур’ёзнымі наступствамі для Беларусі.
Алег Ніколенка, прадстаўнік украінскага МЗС, заклікаў неадкладна вызваліць Рамана Пратасевіча і выконваць яго правы.
«Яшчэ больш трывожных навінаў паступае з Беларусі – у Менску затрыманы беларускі журналіст Раман Пратасевіч. Гэта чарговая атака беларускіх уладаў на свабоду слова. Мы патрабуем яго неадкладнага вызвалення. Знаходзячыся пад вартай, яго правы павінны выконвацца», – напісаў кіраўнік МЗС Украіны.
Сустаршыня Еўрапейскага савету па міжнародных адносінах Карл Більдт сказаў: «Гэта пірацтва – проста і зразумела». Таксама ён заклікаў усе краіны ЕЗ і іншыя авіякампаніі пазбягаць паветраную прастору Беларусі.
МЗС Аўстрыі заклікаў правесці міжнароднае расследаванне інцыдэнту з пасадкай самалёта Ryanair у Менску.
Міністр замежных спраў Грэцыі Нікас Дэндыас ўжо стэлефанаваўся са Святланай Ціханоўскі з нагоды апошніх падзей у Беларусі. Таксама ў ведамстве заявілі, што гэта «акт дзяржаўнага авіяпірацтва».
АД, belsat.eu