Смерць наступіла ад агнястрэльнага ранення, несумяшчальнага з жыццём, паведамляе Мінабароны.
«Падчас выканання мерапрыемстваў баявой падрыхтоўкі вайсковец тэрміновай службы аднаго з падраздзяленняў 11-й асобнай гвардзейскай механізаванай брыгады атрымаў агнястрэльнае раненне, несумяшчальнае з жыццём», – гаворыцца ў паведамленні.
Камісія Міністэрства абароны ва ўзаемадзеянні з прадстаўнікамі праваахоўных органаў праводзіць правяранне, накіраванае на высвятленне ўсіх абставінаў здарэння.
Імя салдата і дакладныя абставіны гібелі не называюцца.
Марыя Мурашка belsat.eu