Жэнеўская сустрэча прэзідэнтаў ЗША і Расеі Джо Байдэна і Уладзіміра Паціна не ўнесла «аніякіх перамен» у палітыку антырасейскіх санкцыяў Вашынгтону. Пра гэта заявіла прэс-сакратарка Белага дому Джэн Сакі.
«Нічога не змянілася», – заявіла яна, перадае РИА Новости.
«Закон патрабуе, каб мы працягвалі разглядаць санкцыі, звязаныя з ужываннем хімічнай зброі», – дадала Джэн Сакі.
Што яшчэ патрапіць пад санкцыі
Напярэдадні памочнік прэзідэнта ЗША ў нацыянальнай бяспецы Джэйк Саліван заявіў, што ЗША рыхтуюць новыя санкцыі ў дачыненні Расеі ў сувязі з атручваннем Аляксея Навальнага.
«Мы рыхтуем яшчэ адзін пакет санкцыяў, які выкарыстоўваецца і ў дачыненні ў сувязі з гэтай сітуацыяй», – сказаў Саліван у эфіры CNN.
Паводле яго, Вашынгтон увядзе санкцыі з-за выкарыстання хімічнай зброі, калі зразумее, што «б’е па патрэбных мэтам». Таксама ЗША працягнуць уводзіць санкцыі ў дачыненні да кампаніяў, якія ўдзельнічаюць у будаўніцтве газаправода «Паўночны паток – 2».
МГ belsat.eu