У Гомлі і Магілёве ад падзення наледзі пацярпелі чацвёра асобаў. З іх двое – дзеці

18 і 19 снежня яшчэ чацвёра асобаў у Беларусі атрымалі траўмы ў выніку падзення наледзі з дахаў. Пра гэта паведамілі ў Міністэрстве надзвычайных сітуацыяў. Трое пацярпелых шпіталізавалі.

Здымак мае ілюстрацыйны характар.

Фота: Белсат

У Магілёве наледзь упала з даху пяціпавярховага жылога дому на вуліцы Грышына на 53-гадовую жанчыну. Яе шпіталізавалі.

У Гомлі шпіталізавалі 23-гадовую жанчыну, на якую ўпалі наледзь і снег з даху чатырохпавярховага будынку інтэрнату на праспекце Леніна.

Таксама на вуліцы Валатоўскай наледзь і снег упалі на дзвюх дзяўчынак – 11 і 10 гадоў. Адну з іх пасля агляду медыкаў шпіталізавалі.

18 снежня на праспекце Чарняхоўскага ў Віцебску з даху аднаго з дамоў на 39-гадовую жанчыну ўпала вялікая груда лёду і снегу. Уратаваць віцяблянку не ўдалося.

Якуб Хруст belsat.eu