Пракурор патрабуе пакараць журналістку Ксенію Луцкіну пазбаўленнем волі на 8 гадоў, паведамляе БАЖ.
Паводле паведамлення Беларускай асацыяцыі журналістаў, у працэсе над Ксеніяй Луцкінай адбыліся спрэчкі бакоў. 21 верасня журналістка павінна выступіць з апошнім словам.
Яе абвінавачваюць у «Змове ці іншых дзеяннях, здзейсненых з мэтай захопу дзяржаўнай улады». Журналістку затрымалі ў снежні 2020-га па «справе Прэс-клубу». Першапачаткова Ксенію абвінавацілі ў «нявыплаце падаткаў», а пасля закрыцця гэтай справы распачалі новую.
Раней Луцкіна працавала на Беларускім тэлебачанні, але сышла адтуль на хвалі пратэстаў, далучыўшыся да дзейнасці Каардынацыйнай рады. Супрацоўніцтва з КР і стала падставай для завядзення крымінальнай справы. У зняволенні ў Ксеніі Луцкінай абвастрыліся праблемы са здароўем – пачала расці пухліна ў галаўным мозгу.
Антон Тачняк belsat.eu
