Падчас візіту ў Данію прэзідэнт Украіны Уладзімір Зяленскі іранічна пракаментаваў прапанову абмяняць частку ўкраінскай тэрыторыі на сяброўства ў Паўночнаатлантычным Альянсе.
«Мы гатовыя абмяняць Белгарад на наша сяброўства ў NATO», – заявіў ён, адказваючы на пытанне журналістаў.
Пытанне ўзнікла ў сувязі з нядаўнім скандальным інтэрв’ю Стыяна Енсэна – кіраўніка офісу генеральнага сакратара NATO. Енсэн заявіў, што адным з этапаў завяршэння вайны магла б стаць адмова Украіны ад часткі сваёй тэрыторыі ў абмен на сяброўства ў Паўночнаатлантычным Альянсе.
У Кіеве гэтыя словы былі ўспрынятыя з абурэннем. У МЗС Украіны назвалі «цалкам непрымальнымі» размовы аб уступленні Альянс у абмен на адмову ад некаторых тэрыторыяў. Зяленскі таксама выключыў магчымасць «абмену чагосьці» на ўкраінскія тэрыторыі.
Глеб Нержын belsat.eu