Беларуская дыяспара ў Кракаве 29 ліпеня ладзіць Вялікі Пікнік. Гэта сямейны фестываль беларускай культуры, поўны розных актыўнасцяў, які адбываецца чацвёрты год запар. Гэтым разам ён пройдзе ў парку Jordana, уваход на мерапрыемства вольны.
Сёлета Пікнік займеў афіцыйную назву Letucień і свой унікальны дызайн, а яго арганізацыяй займаецца больш за 40 чалавек, усе валанцёры. Мэта фестывалю – аб’ядноўваць беларусаў і беларусак, каб умацоўваць дыяспару ў Кракаве і разам увасабляць у жыццё карысныя і яркія праекты.
На Пікніку плануюцца:
Каманда Пікніка збірае грошы на яго арганізацыю: яны пойдуць на арэнду намётаў, сталоў і крэслаў, арганізацыю санітарнай зоны, ганарары артыстам і выступоўцам, дзіцячым аніматарам, набыццё матэрыялаў для мастацкіх майстар-класаў. На момант публікацыі беларусы ахвяравалі на Пікнік больш за чатыры тысячы злотых. Падтрымаць фестываль можна на сайце Zrzutka.pl.
У мінулым годзе ў фестывалі ўдзельнічалі да трох тысяч чалавек, на сцэне выступалі Shuma і Dlina Volny, а на адукацыйнай пляцоўцы расказвалі пра нейрасеткі і беларускую сімволіку. Таксама на фестывалі гралі беларускія дыджэі, адбываліся майстар-класы пляцення і малявання, а дзеці забаўляліся на пляцоўцы з гульнямі і заняткамі.
Алена Рувіна belsat.eu