Інваліда 2-й групы Уладзіміра Гундара затрымалі перад Новым годам у гэтак званай справе Аўтуховіча. Але судзілі мужчыну нібыта за гвалт альбо пагрозу гвалту над службовай асобаю.
Працэс у абласным судзе Берасця адбываўся ў закрытым рэжыме, але на агучванне выраку пусцілі сваякоў і сяброў.
Актывіста з Баранавічаў Уладзіміра Гундара затрымалі паводле арт. 289 КК («Акт тэрарызму»). Але судзяць адразу паводле трох крымінальных артыкулаў: арт. 366 («Гвалт або пагроза гвалту над службовай асобай, якая выконвае службовыя абавязкі, або над іншай асобай, якая выконвае грамадзянскі абавязак»), арт. 361 («Заклік да дзеянняў на прычыненне шкоды нацыянальным інтарэсам») і арт. 364 («Гвалт альбо пагроза ўжывання гвалту над супрацоўнікам унутраных справаў»).
Іх былому афганцу інкрымінавалі пасля ператрусу: нібыта актывіст перашкаджаў сілавікам і пагражаў ім.
Уладзімір Гундар не мае адной нагі, але ў СІЗА яму не далі ўзяць пратэзу. Дачка актывіста Інга лічыць, што гэта зрабілі наўмысна, каб ускладніць бацьку жыццё ў СІЗА.
Пасля прысуду спадар Уладзімір паспеў прачытаць патрыятычны верш і выкрыкнуць: «Беларусь будзе вольнай!».
АЛ, belsat.eu
