Платную рэгістрацыю ў сістэме электроннай чаргі на мяжы было прынята ўвесці Саветам міністраў яшчэ ў мінулым месяца, а цяпер чыноўнікі вызначыліся і з канкрэтнымі цэнамі за яе.
Так, памер платы за рэгістрацыю ў сістэме электроннай чаргі для грузавых транспартных сродкаў і аўтобусаў складзе 1 базавую велічыню (на верасень 2022 года яна складае 32 рублі). Для легкавых аўтамабіляў, матацыклаў і мапедаў плата складзе 0,3 базавай велічыні (9,6 рубля).
Плаціць павінны кіроўца або ўладальнік транспартнага сродку.
Ад платы за рэгістрацыю ў сістэме электроннай чаргі «Белмытсэрвіс» будзе пералічваць 70% аператарам зон чакання ў мэтах забеспячэння функцыянавання сістэмы электроннай чаргі, а 10% – Дзяржаўнаму пагранічнаму камітэту ў мэтах удасканалення матэрыяльна-тэхнічнага забеспячэння.
Зараз сістэма электроннай чаргі дзейнічае ў наступных пунктах пропуску:
- на мяжы з Літвой – «Катлоўка», «Каменны Лог» і «Беняконі»;
- на мяжы з Польшчай – «Бераставіца», «Берасце», «Брузгі»;
- на мяжы з Латвіяй – «Грыгораўшчына» і «Урбаны».
Нагадаем, у сярэдзіне жніўня Аляксандр Лукашэнка сваім указам адмяніў бясплатнае размяшчэнне транспартных сродкаў у зоне чакання на мяжы. Разам з гэтым ён адмяніў платнае браніраванне часу ўезду ў пункт пропуску з зоны чакання. Цяпер жа пры ўездзе ў зону чакання трэба аплаціць рэгістрацыю ў сістэме электроннай чаргі.
Алена Рувіна belsat.eu
