Святлана Ціханоўская аддае голас падчас прэзідэнцкіх выбараў у Беларусі. 9 жніўня 2020 года.
Фота: АВ / Vot Tak TV
Лідарка беларускага пратэсту і экс-удзельніца прэзідэнцкіх выбараў, якую пратэстоўцы лічаць іх пераможцай, анансавала важную заяву.
Заяву апублікуюць на YouTube-канале Святланы Ціханоўскай 18 сакавіка а 12:00.
«Я сем месяцаў працавала, каб зрабіць гэтую заяву», – адзначыла яна.
Што канкрэтна будзе ў выступе, не паведамляюць.
Штодзённыя пратэсты ў Беларусі цягнуцца ўжо 222-і дзень. 11 жніўня 2020 года Святлану Ціханоўскую вывезлі з краіны, пасля чаго яна працягвала сваю дзейнасць за мяжою.
МГ belsat.eu
