Днём 16 чэрвеня ў Ліпецкай вобласці Расеі загарэўся турыстычны аўтобус, які ехаў па маршруце Гомель – Кабардзіна-Балкарыя, паведамляе партал LipetskMedia. Надзвычайнае здарэнне адбылося на 459 кіламетры аўтадарогі М-4 Дон у раёне вёскі Хлеўнае Ліпецкай вобласці.
Падчас руху вадзіцель заўважыў задымленне ў маторным адсеку, спыніў аўтобус і выклікаў экстранныя службы. Пасажыры выйшлі з аўтобуса.
У момант здарэння ў аўтобусе знаходзілася 49 пасажыраў і два вадзіцелі, сярод іх 13 дзяцей. Пры выхадзе з аўтобуса жанчына 1968 года нараджэння атрымала траўму і была шпіталізавана.
У выніку ўзгарання салон аўтобуса поўнасцю згарэў.
Алена Рувіна belsat.eu