У Горадні затрымалі кіроўцу таксі «Яндэкс», які ў 2021 годзе адмовіўся везці працаўніка міліцыі. «Пакаяннае» відэа з таксістам з’явілася ў праўладных тэлеграм-каналах.
Скрыншот з «пакаяннага» відэа.
Відэа з запісам адмовы таксовец выклаў тады ў інтэрнэт. Як толькі міліцыянт сеў у машыну, кіроўца сказаў: «Адразу хачу сказаць, што я супрацоўнікаў МУС не важу».
Мужчыну затрымалі ў двары прыватнага дому, жорстка паклаўшы на зямлю. Паведамляецца, што супраць яго завялі крымінальную справу.
«Улічыў, моцна шкадую, за сваю абразу хачу папрасіць прабачэння ў супрацоўнікаў міліцыі і дзейнага прэзідэнта. Усё асэнсаваў, ва ўчыненым раскайваюся», – сказаў затрыманы на камеру.
Таксама сцвярджаецца, што гарадзенец быў раней пад судом.
зона.бел
«Як піянерлагер, але лепш без яго»: чым жыве і дыхае самая жорсткая «хімія» краіны
2022.06.17 08:16
Алена Рувіна belsat.eu
