Ва ўкраінскую сталіцу 17 чэрвеня з чарговым візітам прыбыў прэм’ер-міністр Вялікай Брытаніі Борыс Джонсан.
Мінулы раз ён наведваў Кіеў у красавіку.
«Многія дні гэтай вайны даказалі: падтрыманне Украіны з боку Вялікай Брытаніі жорсткае і рашучае. Рады зноў бачыць у Кіеве вялікага сябра нашай краіны Борыса Джонсана», – напісаў Уладзімір Зяленскі.
У Офісе прэзідэнта заяўляюць, што абмеркавалі з Джонсанам неабходнасць пастаўкі цяжкай зброі і сістэмаў СПА, эканамічную дапамогу, пашырэнне санкцыяў супраць Расеі, гарантыі бяспекі для Украіны і неабходнасць кампенсацыі Расеяй нанесенай дзяржаве шкоды.
«Мы вельмі ўдзячныя Брытаніі за магутнае падтрыманне. Як гаворыцца, сябры спазнаюцца ў бядзе. У нас агульныя мэты і разуменне, як іх дасягнуць. Украіна пераможа з такімі моцнымі саюзнікамі», – напісаў кіраўнік Офісу прэзідэнта Андрэй Ярмак.
Раней Брытанія абвяшчала аб намеры паставіць ва Украіну РСЗА М270 з ракетамі далёкасцю да 80 кіламетраў.
Пра другі візіт Борыса Джонсана ў Кіеў не паведамлялася. Ён прыбыў ва Украіну раніцай 17 чэрвеня.
Алена Рувіна belsat.eu
