Пад польскай Чэнстаховай адбылося сур’ёзнае ДТЗ: на трасе ў напрамку Лодзі сутыкнуліся пяць грузавых аўтамабіляў, некалькі машын загарэліся. Двое кіроўцаў былі з Беларусі. Адзін загінуў, а другі – у цяжкім стане ў бальніцы. Аб гэтым піша MOST са спасылкай на паведамленне мясцовай паліцыі.
Трагедыя здарылася 14 снежня каля 18.00. Па папярэдніх дадзеных, кіроўца грузавога аўтамабіля Scania урэзаўся ў заднюю частку аўтамабіля, які знаходзіўся наперадзе ў правай паласе руху ў корку. Машыны загарэліся. Сіла ўдару была такой, што аўтамабілі, якія сутыкнуліся, закранулі машыны, якія стаялі наперадзе. Тры грузавікі атрымалі пашкоджанні.
41-гадовы вадзіцель Scania загінуў на месцы, а 66-гадовы вадзіцель цягача Mercedes дастаўлены ў бальніцу ў цяжкім стане. Паводле інфармацыі польскіх медыяў, абодва вадзіцелі – беларусы.
Пракуратура Чэнстаховы пачала расследаванне па факце ДТЗ.
СП, belsat.eu