На пасяджэнні Рэспубліканскага лячэбна-кантрольнага савету Міністэрства аховы здароўя прынялі рашэнне аб прыпыненні медычнай дзейнасці ў медцэнтрах «Кравіра», «Доктар Нэмо» і «ПлеядаМед» (Dental Clinic). У іх, нібыта, выявілі «парушэнні заканадаўства».
«Канчатковае рашэнне – аб прыпыненні медычнай дзейнасці ў ТДА «Медычны цэнтр «Кравіра», ТАА «Доктар Нэмо», ТАА «ПлеядаМед» (Dental Clinic) да ўстаранення выяўленых парушэнняў вынесена сёння (16 лістапада) калегіяй Міністэрства аховы здароўя Рэспублікі Беларусь», – гаворыцца ў паведамленні Міністэрства аховы здароўя.
Рашэнне набывае моц 28 лістапада. Прычынаю паслужыў шэраг фактаў, выяўленых камісіямі Міністэрства аховы здароўя. У згаданых медычных установах выявілі, нібыта, парушэнні санітарных нормаў, ліцэнзійных патрабаванняў ды іншыя парушэнні заканадаўства, якія «маглі пацягнуць прычыненне шкоды дзяржаўным або грамадскім інтарэсам, жыццю, здароўю, правам і законным інтарэсам грамадзянаў».
Пасля выпраўлення парушэнняў медычныя цэнтры абяцаюць зноў адчыніць.
Алена Рувіна belsat.eu
