Акупацыйныя ўлады Данецку паведамляюць пра абстрэл гораду ракетамі «HIMARS». Адна з іх трапіла ў будынак «мэрыі», паведаміў кіраўнік «адміністрацыі» Аляксей Кулемзін.
«Мэр» Данецку Аляксей Кулемзін абвінаваціў Украіну ў абстрэле гораду ракетамі «HIMARS». У выніку моцна пашкоджаны будынак акупацыйнай адміністрацыі, на паркоўцы побач згарэла некалькі аўтамабіляў. «Улады» паведамляюць аб 2 пацярпелых.
Кулемзін напісаў у сваім Telegram-канале, што абстрэлы працягваюцца «у большасці раёнаў Данецку».
У Кіеве афіцыйна гэта ніяк пакуль не пракаментавалі.
Сяргей Крот belsat.eu