Катастрофа з-за шторму ў Лівіі і мацнейшы землятрус у Марока. Галоўныя падзеі тыдня ў здымках

Супрацоўнікі паліцыі апранулі бронекамізэльку на 10-гадовага Змітра перад яго эвакуацыяй з прыфрантавога мястэчка Стэпнагорск у Запарожскай вобласці, Украіна.

Пажарны глядзіць на імёны загінулых на мемарыяльным басейне ў 22-ю гадавіну тэрарыстычнага нападу на Сусветны гандлёвы цэнтр у Нью-Ёрку. Два з чатырох пасажырскіх самалётаў, якія былі захоплены тэрарыстамі 11 верасня 2001 года, урэзаліся ў вежы-двайняты ў Нью-Ëрку, якія ў выніку абрынуліся і забралі жыцці 2977 чалавек (без уліку 19 тэрарыстаў). Таксама загінулі ўсе пасажыры і чальцы экіпажа чатырох самалётаў. Нью-Ёрк, ЗША.

Паліцыя сабрала частку мігрантаў у прыёмным цэнтры на востраве Лямпэдуза (Lampedusa) на Сіцыліі. Невялікі італьянскі востраў Лямпэдуза не спраўляецца з наплывам нелегальных мігрантаў з Паўночнай Афрыкі, колькасць якіх дасягнула 7000 чалавек, што эквівалентна ўсяму мясцоваму насельніцтву вострава. Лямпэдуза, Італія.

Валанцёр суцяшае жанчыну, якая страціла ўсіх членаў сваёй сям’і, ля знішчанага будынку пасля смяротнага землятрусу магнітудай 6,8  у Марока. У выніку моцнага землятрусу ў Марока загінулі больш за 2900 чалавек, ратавальныя аперацыі дасюль трываюць. Высокі Атлас, Марока.

Ратаўнік заклікае ўсіх супакоіцца падчас чарговага штуршка ў вёсцы Імі Нтала (Imi N’Tala), пацярпелай ад землятрусу магнітудай 6,8 у Марока. Праца ратаўнікоў ускладняецца з-за лакалізацыі землятрусу: большасць загінулых і пацярпелых знаходзяцца ў аддаленых вёсках Атласкіх гор, на паўднёвы захад ад турыстычнага цэнтру Марракеш, Марока.

Хасіды збіраюцца для святкавання габрэйскага Новага года (Рош ха-Шана) ва Умані, горадзе, дзе пахаваны духоўны лідар і заснавальнік хасідызму рабі Нахмана. Паломніцтва ва Умань мае духоўнае значэнне для хасідаў з-за вучэнняў рабі Нахмана і лічыцца, што яно прынясе благаславенне на новы год. У першыя дні ва Умані прысутнічала больш за 11 тысяч паломнікаў, але чакаецца, што лічба наблізіцца да 30 тысяч чалавек. У мінулым годзе, нягледзячы на вайну ва Украіне, на святкаванне Рош ха-Шана ва Умань прыбыло 29 тысяч хасідаў.

Людзі стаяць сярод будынкаў, разбураных у выніку магутнай паводкі ў выніку прарыву двух дамбаў вышэй па цячэнні ракі Дэрна з-за міжземнаморскага шторму Даньель. Як мяркуецца, да смяротных наступстваў прывяло і тое, што на працягу многіх гадоў плаціны не падтрымліваліся ў належным стане. Паводкі памерам з цунамі прывялі да гібелі па меншай меры 11 тысяч чалавек, больш за 20 тысяч лічацца зніклымі без вестак. Дэрна, Лівія.

Лясны пажар бушуе ў акрузе Аган-Ілір (Ogan Ilir) на востраве Суматра, які з’яўляецца шостым па велічыні востравам у свеце. Суматра, Інданезія.